حکومت وقت نے جب شہید آغا سید ضیاءالدین رضوی کو تین جون دوہزار چار کو گرفتار کیا تو اس وقت گلگت سمیت بلتستان بھر میں بھی آغا کی رہائی کے لئے بھرپور احتجاجی مظاہرے کئے گئے۔ شہید آغا سید ضیاءالدین رضوی نے رہائی کے فورا بعد ہی بلتستان کے مومنین کا شکریہ ادا کرنے کے لئے ایک تفصیلی دورہ کیا۔ اس دورے میں شہید نے اسکردو کے علاوہ شگر اور کچورا سمیت متعدد علاقوں کے دورے کئے اور عوامی اجتماعات سے خطابات کئے۔ اس دورے کا مرکزی اجتماع یادگار چوک اسکردو میں منعقد ہوا جس میں علمائے کرام اور عوام کی کثیر تعداد شریک ہوئی۔ شہید آغا سید ضیاءالدین رضوی نے یادگار چوک اسکردو میں مرکزی خطاب کیا
